Actividades

Visibilizar os sesgos de xénero existentes na aplicación da IA e difundir as oportunidades de igualdade neste eido.

Divulgar entre o público participante coñecemento experto sobre o crecemento, dixitalización e eficiencia de diversos sectores económicos dende unha perspectiva tecnolóxica.

Contribuír ao impulso da estrutura e a liña de colaboración público-privada do nodo galicIA, contribuíndo a xerar un ecosistema de impulso á Intelixencia Artificial nos eidos económico, educativo, laboral e social.

Acelerar a inserción laboral, ofrecendo contidos prácticos e útiles que contribúan a adaptar aos participantes aos novos perfís dixitais demandados polo mercado de traballo.

Fomentar a elaboración de TFG da man de entidades sociais co foco na cobertura das súas necesidades tecnolóxicas, contribuíndo á aportación de valor á sociedade dende o eido universitario.

Achegar as tendencias tecnolóxicas ao público xeral nun formato distendido e participativo, reforzando os coñecementos dixitais da cidadanía.

Potenciar e perfeccionar as competencias dixitais dos participantes en liña coas novas tendencias tecnolóxicas que irrompen na sociedade, proporcionándolles orientación nas distintas fases de elaboración dos seus proxectos e pautas para as necesidades reais do mercado.

Promover as vocacións científico-tecnolóxicas entre os máis novos e fomentar o atractivo das carreiras profesionais STEM.

Informar e concienciar aos xuristas e outros profesionais forenses dos avances e iniciativas para a modernización e dixitaliación do sistema xudicial.

Fomentar e reforzar unha cultura de ciberseguridade dende idades temperás.