IURISTICGAL: XI Xornada de Informática Xudicial e Delitos Informáticos

Impulsada pola Axencia para a Modernización Tecnolóxica de Galicia.

IURISTICGAL: XI Xornada de Informática Xudicial e Delitos Informáticos – Antoloxía 2010-2022
 

Obxectivos: 
Informar e concienciar aos xuristas e outros profesionais forenses dos avances e iniciativas para a modernización e dixitaliación do sistema xudicial.
En qué consiste: 

Undécima edición da Xornada de Informática Xudicial e Delitos Informáticos, que supón un espazo de encontro e networking entre profesionais do sector xurídico para a abordar os retos e desafíos que a transformación tecnolóxica da Administración de Xustiza afrontará nos próximos anos.

Nesta nova edición, a xornada realiza unha retrospectiva polas edicións anteriores, unha antoloxía 2010-2022 coa que se afondará no debate do presente e futuro da modernización da Xustiza co foco na dixitalización administrativa, a investigación de ciberdelitos no metaverso, a defensa dos dereitos fundamentais na sociedade dixital e outras temáticas de actualidade ao redor do dereito e a tecnoloxía da man dos/as profesionais e expertos invitados.

  • Data de celebración: Xoves, 20 de outubro de 2022.
  • Datas de inscrición: Desde o 24 de setembro.
  • Máis información:  iuristicGal2022

Aforo limitado.

Esta actividade realízase no marco do Convenio de Colaboración asinado entre a Axencia para a Modernización Tecnolóxica (Amtega) e o Colexio Profesional de Enxeñaría Técnica Informática de Galicia (CPETIG) para a realización de actuacións de formación, capacitación e promoción no ámbito das tecnoloxías da información en Galicia e contará coa colaboración do GaiásTech. 
 

Iniciativas impulsadas pola Amtega e/ou en colaboración con outras organizacións
Estado: 
Pechado
Lugar de celebración: 
Auditorio Xosé Neira Vilas, Cidade da Cultura de Galicia, Edificio Biblioteca e Arquivo de Galicia, Monte Gaiás, s/n, 15707 , Santiago de Compostela - A Coruña
A quen vai dirixido: 

Xuristas, profesionais do dereito, outros profesionais forenses e público en xeral interesados nos avances da modernización xudicial, tecnoloxía e dereito.

Idade mínima: 
18
Datas: 
Do 24/09/2022 - 09:00 ata o 20/10/2022 - 11:00