Actividades

Impulsar actividades lúdico-formativas de inmersión tecnolóxica que acheguen ás rapazas desde idades temperás ás novas tendencias tecnolóxicas co fin de espertar o seu interese e reforzar a confianza nas súas capacidades para cursar estudos STEAM e apostar por profesións do ámbito TIC.

Poñer en práctica o talento dixital e a capacidade de resolución de problemas entre a rapazada, ao tempo que se desenvolven competencias persoais nunha contorna colaborativa.

Fomentar o achegamento do software libre á mocidade galega, incrementar os coñecementos do estudantado universitario sobre este tipo de tecnoloxías e impulsar as posibilidades de emprego de calidade vencellados ás tecnoloxías da información e a comunicación.

Formar á cidadanía no emprego de equipamento innovador co que se dotou á Rede CeMIT e incrementar as habilidades e competencias dixitais dos seus usuarios/as.

Xerar un espazo para a reflexión e compartición de coñecementos, experiencias e retos no eido dos sistemas e tecnoloxías da información no ecosistema dixital de Galicia.

Fomentar e reforzar unha cultura de ciberseguridade dende idades temperás e incidir sobre as vocacións STEAM entre os rapaces e rapazas, especialmente entre as nenas.

Potenciar as oportunidades de desenvolvemento profesional do alumnado de Formación Profesional no mercado de traballo, promovendo a súa adaptación aos perfís dixitais demandados polo sector TIC.

Achegar as oportunidades que ofrece o sector IT aos estudantes universitarios da FIC, contribuíndo a atraer e reter o talento universitario no sector TIC de Galicia, ao tempo que se favorece a incorporación do alumnado e egresados/as ao mercado laboral.

Contribuír a sensibilizar á cidadanía, empresas e institucións sobre a importancia da ciberseguridade e a detección de ameazas na sociedade dixital, así como as oportunidades de éxito profesional do mercado laboral da ciberseguridade.