Obradoiro creativo sobre equipamento disruptivo para a inclusión e capacitación dixital da cidadanía
Impulsado pola Axencia para a Modernización Tecnolóxica de Galicia e/ou en colaboración con outros organismos.
Obradoiros formativos presenciais sobre o uso do equipamento innovador dispoñible da Rede CeMIT.
Obradoiros creativos sobre o uso práctico do equipamento disruptivo co que se dotou á Rede CeMIT, que inclúen a impresión 3D, lentes de realidade virtual, drons ou kits de programación e comunicación como Arduino e Raspberry Pi.
As xornadas terán unha duración de 4 horas e desenvolveranse cunha perspectiva demostrativa-experimental, expoñendo varias aplicacións e usos dos diferentes materiais tecnolóxicos co obxectivo de formar aos participantes no emprego do equipamento innovador e mellorar as súas habilidades e competencias dixitais.
As xornadas terán lugar de xeito presencial de xullo a outubro en 18 concellos galegos. As persoas participantes non precisan contar con coñecemento previo aínda que si con competencias dixitais básicas no uso das TIC.
- Datas de celebración: Do 13 de xullo ao 16 de outubro de 2023.
Esta actividade encádrase no convenio de colaboración asinado entre o Colexio Profesional de Enxeñaría en Informática de Galicia (CPEIG) e a Amtega.
Cidadanía en xeral.