Foro Galicia TIC – Actividades NTT Data

Crecemento, dixitalización e eficiencia son os tres obxectivos do lema da XX Edición de Galicia TIC; tres tendencias complementarias que se reforzan mutuamente e constituirán a principal  estratexia empresarial dos vindeiros anos. As actuais tendencias tecnolóxicas contribuirán ao cumprimento dos obxectivos das organizacións de escalar, adaptarse e crecer.

NTT Data participa como invitada no Foro GaliciaTIC co relatorio “Colaboración Público-Privada, transformación dixital e innovación: un potencial camiño para afrontar os grandes desafíos do noso século”. Ademais, participa na Feira de Emprego TIC a través da mesa temática “Formación e capacitación TIC en Galicia. Mapa de ofertas e saídas profesionais”, e achega a estudantes e titulados oportunidades de prácticas e emprego no Hall do Edificio Fontán.