Webinars TranformaTech Sessions – Talento Xove

Impulsada pola Axencia para a Modernización Tecnolóxica de Galicia.

Webinars sobre tecnoloxías disruptivas de gran impacto na actualidade, orientados a mocidade de ata 16 anos e a centros educativos de bacharelato e formación profesional.

Obxectivos: 
Espertar vocacións tecnolóxicas entre os máis novos e novas, familiarizándoos coas novas tendencias tecnolóxicas.
En qué consiste: 

O Programa de webinars TransformaTech Sessions consiste nunha serie de encontros virtuais sobre tecnoloxías disruptivas para a sociedade dixital, impartidos polos/as profesionais das entidades colaboradoras adheridas á iniciativa.

Baixo a modalidade Talento xove, o programa achega as novas tecnoloxías á mocidade galega a través dun ciclo de sesións con contidos adaptados e orientados a rapaces e rapazas de ata 16 anos e a centros educativos de bacharelato e formación profesional. 

Durante as xornadas, deseñadas nun formato breve e participativo, afondarase en temáticas de gran relevancia na sociedade como o Big Data, o 5G/6G, a ciberseguridade, os servizos na nube e as tecnoloxías Cloud, a Intelixencia Artificial, o Internet das Cousas (IoT), as tecnoloxías Smart City ou a robótica avanzada.

Máis información no Programa da actividade.

As sesións desenvolveranse en liña, previa inscrición individual para cada sesión.

Iniciativas impulsadas pola Amtega e/ou en colaboración con outras organizacións
Estado: 
En curso
Lugar de celebración: 
En liña, a través de streaming
A quen vai dirixido: 

Rapaces e rapazas ata 16 anos e centros educativos.

Idade mínima: 
12
Idade máxima: 
16
Datas: 
Do 04/02/2022 - 09:00 ata o 31/10/2022 - 15:00