Visitas ao Museo Didáctico das Telecomunicacións - DigiTalent
Impulsada por Telefónica S.A
Percorridos dinámicos guiados polo Museo Didáctico das Telecomunicacións de Telefónica, orientados a centros educativos, universidades e outros colectivos.
Telefónica organiza visitas ao Museo Didáctico das Telecomunicacións da Coruña, na que os participantes poderán facer un percorrido pola historia da telefonía e as telecomunicacións dende Graham Bell ata a fibra óptica, explorando os equipos e dispositivos que foron dando servizo a través do tempo ata a actualidade e que aínda se atopan operativos.
Trátase dunha visita dinámica na que, a través de demostracións, os asistentes poderán coñecer en primeira persoa o funcionamento de diversos elementos históricos que abarcan todas as disciplinas das telecomunicacións vencelladas ao servizo telefónico, como telégrafos, terminais telefónicos, centrais, cables ou radios.
O Museo sitúase na Central de Telefónica situada en Montiño (A Coruña). Os percorridos teñen unha duración media de 2 horas, e están orientados a centros educativos, universidades e outros colectivos interesados en grupos de ata 15 persoas.
- Datas de inscrición: A partir do 4 de abril. As solicitudes de inscrición poden remitirse ao enderezo electrónico museo.muditel@gmail.com, indicando a relación de alumnos ou participantes e DNIs.
- Datas de celebración: As datas de celebración das sesións xestionaranse directamente cos participantes ao longo do período de execución da actividade.
Centros educativos, universidades e outros colectivos.