Tech Kids

Impulsada pola Axencia para a Modernización Tecnolóxica de Galicia

Axenda dinámica de actividades lúdico formativas para aumentar o interese dos máis novos polas profesións tecnolóxicas.

Obxectivos: 
Espertar, motivar e fomentar as vocacións científico-tecnolóxicas entre os máis novos.
En qué consiste: 

O Programa “Tech Kids”, impulsado pola Amtega e o Colexio Profesional de Enxeñaría en Informática de Galicia (CPEIG), consiste nun programa de talleres no que os nenos e nenas deberán superar desafíos temáticos co obxectivo de involucralos na investigación, a tecnoloxía e a ciencia.

Durante a súa participación no programa, os rapaces e rapazas poñerán en práctica o seu talento dixital amosando a súa capacidade de resolución de problemas ao tempo que desenvolven competencias persoais a través dunha contorna cen por cen amistosa e colaborativa.

Para iso, os participantes de Tech Kids poderán desenvolver o seu talento nun ambiente lúdico e divertido a través de catro actividades:

  • Robótica para todos. Xornadas de iniciación á programación de forma interactiva para nenos e nenas de 9 a 16 anos, coas que superarán diferentes mini-retos a través da programación dun pequeno robot. Aprenderán sobre a programación por bloques, principios de electricidade e actividades de plástica para os máis pequenos.
  • Crea a túa App. Actividade para nenos e nenas de 12 a 18 anos na que se levará a cabo a programación dunha aplicación para dispositivos móbiles no sistema operativo Android. Ademais de facilitar os seus primeiros pasos na programación, permitiráselles mellorar a app na súa casa e publicala cando o consideren.
  • Voa con nós. Actividade na que nenos e nenas de 9 a 16 anos aprenderán a integrar a programación co mundo dos drons. Os participantes aprenderán a programar e pilotar un dron para que se poida converter nunha aeronave autónoma.
  • Converte o mundo dos videoxogos e a animación 3D no teu futuro profesional. Taller no que os participantes tomarán contacto co sector da animación 3D, os videoxogos, efectos visuais ou a realidade virtual explicándolles, coa participación de profesionais recoñecidos, cales son os perfís profesionais que se demandan e a formación necesaria para traballar en empresas destes sectores. Este taller está destinado a nenos e nenas a partir de 14 anos.

Xornada final de Tech Kids

Data de celebración: 27 de outubro de 11:00 a 14:30 h.

Lugar de celebración: Salón de Convencións do Edificio CINC da Cidade da Cultura (Monte Gaiás, s/n, 15707 Santiago de Compostela).

Quen pode asistir: Nenos e nenas de 10 a 17 anos.

Máis información do programa de actividades e formulario de inscrición en: https://cemit.xunta.gal/frm_tech_kids.

 

Iniciativas impulsadas pola Amtega e/ou en colaboración con outras organizacións
Estado: 
Pechado
Lugar de celebración: 
As xornadas celébranse nas Aulas CeMIT de diferentes localidades de Galicia
A quen vai dirixido: 

Nenas e nenos de 9 a 18 anos

Idade mínima: 
9
Idade máxima: 
18
Datas: 
Do 15/07/2019 - 09:00 ata o 27/10/2019 - 14:30