Programa Tech Kids 2024: Obradoiros creativos sobre equipamento disruptivo na Rede CeMIT
Impulsado pola Axencia para a Modernización Tecnolóxica de Galicia e/ou en colaboración con outros organismos.
Sesións de carácter demostrativo-experimental de exposición das aplicacións e usos dos diferentes equipamentos tecnolóxicos disruptivos cos que están dotadas as aulas da Rede CeMIT.
O programa Tech Kids é unha iniciativa da Amtega en colaboración co Colexio Profesional de Enxeñaría en Informática de Galicia (CPEIG) que ten entre os seus obxectivos capacitar e impulsar o talento dixital na infancia e a xuventude.
No marco deste Programa, a edición 2024 impulsa un conxunto de ata 27 sesións de 4 horas de duración entre os meses de xullo e agosto dirixidas á rapazada de entre aproximadamente 12 e 18 anos, e que terán un carácter demostrativo-experimental, nas que se exporán varias aplicacións e usos dos diferentes equipamentos tecnolóxicos disruptivos dos que dispoñen as aulas da Rede CeMIT.
Entre as temáticas a abordar nas xornadas, atópanse:
- Deseño guiado de modelado en 3D orientado á fabricación FDM.
- Práctica guiada de construción e programación dun robot simple que implemente unha placa controladora para xestionar os compoñentes e comunicarse con outros robots na aula.
- Prácticas supervisadas de pilotaxe de drons en interior: modo xenérico e modo FPV.
- Experiencias inmersivas en RV e Educa360.
- Proposta de proxectos futuros e inspiración: a crear!
- Datas de celebración: entre os meses de xullo e agosto de 2024.
Esta actividade encádrase no convenio de colaboración entre o Colexio Profesional de Enxeñaría en Informática de Galicia (CPEIG) e a Amtega.
Rapaces e rapazas de 12 a 18 anos.