Programa AceleraTech
Impulsado pola Axencia para a Modernización Tecnolóxica de Galicia
Programa executivo dirixido a formar a autónomos e directivos de pemes e micropemes galegas co obxectivo fundamental de que adquiran os coñecementos e habilidades precisas nas novas tendencias tecnolóxicas para impulsar procesos de transformación dixital na súa organización.
Programa de difusión, sensibilización e formación orientado a que as pemes galegas e os seus directivos coñezan algunhas das novas tendencias tecnolóxicas máis relevantes e os beneficios e condicionantes necesarios para a súa translación á estratexia, estrutura e modelos de negocios das pemes. Todo iso cunha perspectiva moi experiencial, mostrando casos concretos e próximos de éxito que actúen como elemento motivador.
Estrutúrase en 5 sesións formativas de 8 horas cada unha e un taller final de 5 horas. As temáticas das sesións versarán sobre os seguintes aspectos:
- A COMPETENCIA NA ERA DOS NEGOCIOS DIXITAIS
- BIG DATA, DATA SCIENCE E INTELIXENCIA ARTIFICIAL
- INTERNET OF THE THINGS E 5G
- BLOCKCHAIN
- CIBERSEGURIDADE
- CONSTRUÍNDO A TRANSFORMACIÓN DIXITAL DA PEME: TALLER LEGO® SERIOUS PLAY®
Inscricións: As prazas para participar neste programa formativo son limitadas (habilitaranse 25 prazas), polo que se inicia un proceso de preinscrición que permanecerá aberto desde o 1 de agosto ata o 1 de outubro ás 18.00 horas.
Lugar de celebración: Todas as sesións formativas desenvolveranse en xornadas de día completo (de 10:00 a 19:30) nas instalacións do GaiásTech, no Centro de Emprendemento da Cidade da Cultura, en Santiago de Compostela.
Xerentes, propietarios de empresas e directivos de pemes. Persoas con capacidade de decisión nas súas empresas, que poidan impulsar e liderar nas mesmas unha transformación tecnolóxica real.