O Core das TIC – DigiTalent
Impulsada por Coremain S.L.
Actividade que ofrece unha combinación de talleres de ideas, demos e/ou actividades lúdicas nas instalacións da empresa, achegando a nenos e nenas de 12 a 17 anos proxectos relacionados co ámbito das telecomunicacións.
O Core das TIC busca dar a coñecer de unha maneira eminentemente práctica o labor dos profesionais do mundo TIC, ofrecendo a oportunidade a nenos e nenas de 12 a 17 anos de coñecer de primeira man proxectos e solución tecnolóxicas, dinámicas de traballo, actividades prácticas e lúdicas, etc.
Realizaranse dinámicas e actividades de grupo entre o alumnado participante solicitándolles ideas e opinións sobre o que é para eles unha empresa TIC e poderán experimentar de cerca a dinámica diaria dunha área/departamento da empresa desenvolvendo talleres prácticos cos seus profesionais.
CELEBRACIÓN DA ACTIVIDADE: A actividade O Core das TIC desenvolveranse desde marzo ata finais do curso académico.
- Lugar: sede de Coremain en Santiago de Compostela.
- Horario: de 10h. a 14h.
- Participantes por sesión: 8 – 10 alumnos/as.
PRAZO DE INSCRICIÓN: do 1 ao 28 de febreiro, a través do formulario habilitado na súa web (www.coremain.com/core-tic/) e indicando os datos requiridos: nome e apelidos do profesor que coordina a actividade, centro educativo e número de alumnos/as a participar. Unha vez finalizado sortearanse as prazas dispoñibles entre os centros educativos inscritos.
Nenos e nenas de 12 a 17 anos