Encontros con Profesionais TIC

O programa “Encontros con Profesionais TIC”, impulsado pola Amtega e o Colexio Profesional de Enxeñaría en Informática de Galicia (CPEIG), consiste na celebración dun ciclo de encontros en streaming entre un ou unha profesional TIC e un grupo de 12 rapaces e rapazas de 6 a 18 anos (dependendo da temática), no que poderán interactuar co experto ou experta participante e cos demais asistentes. 

Durante o encontro, os nenos e nenas terán a oportunidade de formularlle aos profesionais as súas preguntas e inquedanzas sobre a temática da sesión. Os e as relatores das xornadas desenvolven as súas carreiras profesionais no ámbito tecnolóxico, sendo a maioría deles colexiados e colexiadas no CPEIG.

Entre outros, celebraranse os encontros con profesionais TIC sobre as seguintes temáticas:

• “Oíches falar da Intelixencia Artificial?”
  • Participa Susana Landra, enxeñeira e doutora en Informática pola Universidade da Coruña e Graduada en Matemáticas pola UNED. É directora do Campus Innova da Universidade da Coruña, ademais de profesora na Facultade de Informática e investigadora do CITIC. 
  • Data de celebración: Mércores, 20 de outubro, ás 12.15 h.
• “A miña experiencia como profesional TIC.”
  • Pablo Vázquez, enxeñeiro en Informática pola UDC con máis de 15 anos de experiencia no desenvolvemento Software. Traballa principalmente con tecnoloxías backend, mais de vez en cando tamén do frontend.
  • Data de celebración: Xoves, 21 de outubro, ás 11.15 h.
• “Introdución á xestión de proxectos informáticos na Administración Pública.”
  • Manuel Rodríguez. Introdución ós traballos levados a cabo no Centro Informático para a Xestión Tributaria Económica-financeira e Contable (CIXTEC), actualmente integrado na Axencia para a Modernización Tecnolóxica de Galicia (AMTEGA) e a xestión de proxectos informáticos dende o punto de vista dun analista-programador.
  • Data de celebración: Xoves, 21 de outubro, ás 16.00 h.
• “Emprendemento en Galicia.”
  • Óscar Barba, enxeñeiro en Informática e Scrum Manager certificado. Finalizando o doctorado sobre textos financeiros con NLP e Machine Learning. Director de proxectos TI con máis de 14 anos de experiencia nos sectores público e privado e en integracións de TI con corporates internacionais. Actualmente é CTO de dúas startups Fintech galegas.
  • Data de celebración: Venres, 22 de outubro, ás 10.00 h.
• “A informática como facilitadora da igualdade de oportunidades. Aplicacións para eliminar barreiras de accesibilidade.”
  • Javier Pereira Loureiro, profesor da Universidade da Coruña de Informática para a Saúde. Subdirector do CITIC (Centro de Investigación en Tecnoloxías da Información e as Comunicacións). Responsable do proxecto TALENTOS INCLUSIVOS.
  • Data de celebración: Venres, 22 de outubro, ás 12:14 h.
• “O proceso de desenvolvemento de software. Os diferentes pasos e actores.”
  • Diego Cid Merino, director de Proxecto en Imatia Innovation, con máis de 15 anos de experiencia en desenvolvemento de software en diferentes tecnoloxías. Actualmente traballando en proxectos do sector das administracións públicas.
  • Data de celebración: Luns, 25 de outubro, ás 18.00 h.
• “Plataformas tecnolóxicas para invertir en bolsa.”
  • David Conde, emprendedor fintech. CEO e fundador de Coinscrap Finance, empresa de solucións tecnolóxicas financieiras para bancos e aseguradoras, e Co-fundador de Senseitrade. É partner de Ingade, empresa dedicada aos servizos de consultoría estratéxicos.
  • Data de celebración: Mércores, 27 de outubro, ás 13.30 h.
• Emprendemento online
  • Pablo Ferrer, director tecnolóxico en Mapping.tv. Fundador en LaAcademia.com. Profesor en EISV y UBI.
  • Data de celebración: Proximamente

Esta actividade encádrase no convenio de colaboración entre o Colexio Profesional de Enxeñaría en Informática de Galicia (CPEIG) e a Amtega.