Curso de especialista en 5G de Galicia

Programa formativo froito dun acordo subscrito entre a Amtega, a Universidade de Vigo e o operador público Retegal; aberto a titulados, estudantes e profesionais do sector tecnolóxico e que será impartido por docentes da Universidade e por profesionais expertos do sector, tanto de operadores (Movistar, Orange, Vodafone), como fabricantes (Nokia Spain, Ericsson) e desenvolvedores de solucións verticais (PSA, RTVE, CTAG, SERGAS).

Conta cun máximo de 25 prazas en bolsas para estudantes, desempregados e persoas en activo. Con 200 horas lectivas, divididas en 6 módulos máis o proxecto fin de curso, permite obter o título de “Especialista en Tecnoloxías de Quinta Xeración (5G)”. 

Este curso é unha das medidas previstas no Plan Galicia 5G, elaborado pola Axencia para a Modernización Tecnolóxica de Galicia, en colaboración con outros axentes do ecosistema TIC galego, co obxectivo de facer de Galicia unha rexión pioneira na aplicación do 5G e na expansión do coñecemento desta tecnoloxía.