Bolsas DigiTalent

Oferta de bolsas para a realización de prácticas formativas en empresas do sector tecnolóxico que estean a desenvolver proxectos relacionados con tendencias tecnolóxicas emerxentes tales como BigData, tecnoloxías móbiles, deseño de servizos e aplicacións Cloud, ciberseguridade, IoT, blockchain, realidade aumentada, intelixencia artificial, economía colaborativa ou wearables.

Durante a realización das prácticas, os bolseiros recibirán formación teórico-práctica e contarán co asesoramento, orientación e dirección dos responsables das empresas TIC.

Fases e prazos para o seu desenvolvemento

1. Selección de entidades colaboradoras (novembro 2019)
   • Os requisitos de participación, criterios de valoración para a selección de entidades colaboradoras das bolsas e demais detalles do programa especifícanse na convocatoria publicada no DOG núm. 217, do 14.11.2019.
   • Amplíase o prazo de presentación de solicitudes de adhesión das entidades colaboradoras ata o 29 de novembro de 2019. (DOG núm. 221, do 20.11.2019)
   • Listado de entidades colaboradoras
2. Convocatoria e selección de estudantes (xuño 2020)
   • A convocatoria dirixida a estudantes de carreiras de Artes e humanidades, Ciencias, Ciencias da saúde, Ciencias sociais, Xurídicas, Arquitectura e Enxeñaría, que teñan máis do 75% e menos do 100% dos créditos aprobados está publicada no DOG núm. 44, do 05.03.2020.
   • Prazas dispoñibles: 32 bolsas.
   • Resolución provisional das persoas beneficiarias das Bolsas DigiTalent e das solicitudes denegadas
3. Desenvolvemento das bolsas
   • Duración das bolsas: 3 meses.