Actividades escolares no marco do Día de Internet 2022

Actividades para o alumnado de educación infantil, primaria, secundaria, bacharelato e profesorado ao abeiro do Día de Internet 2022, que este ano se celebra baixo a temática “Internet para as persoas maiores e o envellecemento saudable”:

• Concurso de contos, poesías e debuxos “Os maiores e Internet”, no que o alumnado de educación infantil e primaria poder participar amosando, dun xeito lúdico e creativo, como percibe o emprego da Internet polos maiores e as vantaxes que esta lles aporta.
• Reto “Tecnoloxías dixitais para as persoas maiores e o envellecemento saudable”, dirixido ao alumnado de secundaria. En grupos de tres alumnos/as, os participantes poden competir desenvolvendo propostas nas que a tecnoloxía xogue un papel protagonista como ferramenta que facilita a vida dos nosos maiores.
• Concurso de fotografía “A tecnoloxía e os maiores”, orientado ao estudantado de bacharelato. Instrucións para a participación na seguinte ligazón.

• Datas de presentación: Do 21 de marzo ao 7 de maio de 2022.
• Anuncio dos/as gañadores: O 17 de maio de 2022, no Acto Central do #diadeinternet.
• Premios: 
  • Secundaria, primaria e ciclos inferiores: o alumnado gañador e o seu docente responsable serán premiados cunha tablet de última xeración.
  • Bacharelato, a segunda e terceira mellor foto recibirán unha tablet de última xeración, e a foto gañadora premiarase cunha cámara fotográfica profesional.

Doutra banda, celébrase o Concurso "Internet pon a Educación polas nubes”, aberto ao profesorado de calquera dos niveis educativos preuniversitarios. Trátase dun certame de vídeos-resumo que visibilicen as boas prácticas e experiencias interxeracionais desenvoltas nos centros educativos para fomentar a creación de espazos de aprendizaxe e intercambio de coñecementos entre a mocidade e as persoas maiores en torno ás novas tecnoloxías e Internet.  Instrucións para a participación na seguinte ligazón.