Curso Análise Forense Dixital e Resposta ante Incidentes

Impulsado pola Axencia para a Modernización Tecnolóxica de Galicia e/ou en colaboración con outros organismos.

Obxectivos: 
Promover a adaptación de estudantes, titulados e profesionais técnicos ou xurídicos á demanda de novos perfís dixitais, mediante formación especializada na análise forense ante un ciberincidente maximizando as súas oportunidades de desenvolvemento profesional na economía dixital.
En qué consiste: 

Curso en liña de 20 horas de duración desenvolvido en 4 sesións e estruturado en dous bloques no que se impartirán contidos relativos aos aspectos legais e técnicos da análise forense dixital. 

Os formadores expertos na materia, Lorenzo Martínez (CTO en Securízame) e Víctor Salgado (Socio-Manager en Pintos & Salgado Abogados, S.C.) amosarán aos participantes en streaming desde o Gaiás Tech os conceptos clave nos que se basea unha análise forense e brindarán aos asistentes os coñecementos necesarios para a análise da evidencia contida nos medios dixitais.

  • Datas de celebración:
    • Venres 24 de setembro, de 16.30 a 21.00 horas
    • Sábado 25 de setembro, de 09.00 a 14.30 horas
    • Venres 1 de outubro, de 16.00 a 20.00 horas
    • Sábado 2 de outubro, de 09.00 a 14.00 horas
  • Datas de inscrición: Ata o 23 de setembro

Esta actividade encádrase no convenio de colaboración entre o Colexio Profesional de Enxeñaría Técnica en Informática de Galicia (CPETIG) e a Amtega, nunha iniciativa incluída nas accións definidas na Estratexia Galicia Dixital 2030.
 

Iniciativas impulsadas pola Amtega e/ou en colaboración con outras organizacións
Estado: 
Pechado
Lugar de celebración: 
Cidade da Cultura
Online
A quen vai dirixido: 

Público técnico e profesional, maior de 18 anos, interesado en adquirir coñecementos en materia de informática forense.

Idade mínima: 
18
Datas: 
Do 14/09/2021 - 08:00 ata o 02/10/2021 - 20:00
Inscrición