Charlas DigiTalent

As Charlas DigiTalent son un programa de charlas a impartir en centros educativos co obxectivo de mellorar a visión e percepción que o alumnado ten do mundo TIC.  A través da colaboración de grandes empresas do sector, achegarase aos centros educativos a experiencia e proxectos dos profesionais que as conforman, baixo temáticas vinculadas ás novas tendencias dixitais como a Intelixencia Artificial, Blockchain, Ciencia do dato ou a Ciberseguridade, entre outras.

Os centros educativos poderán inscribirse ás charlas nas que estean interesados consultando a listaxe de charlas ofertadas polas empresas colaboradoras e a temática das mesmas, coa finalidade de promover no seu centro o atractivo vocacional das carreiras STEM. 

Desenvolvemento da actividade

• Os centros educativos interesados poden solicitar a inscrición en ata 3 charlas distintas a través do formulario habilitado para a inscrición, para recibir nas súas instalacións os obradoiros. 
• As prazas dispoñibles asignaranse aplicando o resultado dun sorteo que se realizará unha vez rematado o prazo de inscrición tendo en conta as opcións sinaladas no formulario.
• A continuación, serán as empresas as que se poñan en contacto cos centros educativos para concretar a data e o horario da charla a través do número de teléfono indicado no formulario.
• No caso de resultar necesario contar con autorizacións asinadas polos pais/nais/titores legais será o centro educativo o encargado da xestión. 

Listado de Charlas DigiTalent

• Sociedade dixital
  • Oportunidades TIC e desmontar estereotipos (everis - 8 charlas) [11 a 13 anos]
  • Razóns para estudiar informática (Indra - 1 charla) [Secundaria e Bacharelato]
  • Uso responsable da tecnoloxía (Ciberacoso, sexteo...) (Orange - 10 charlas) [11-14 anos]
  • Tecnoloxía para mellorar a vida das personas (Indra - 2 charlas) [15-18 anos]
• Tecnoloxías
  • Xeración de escenarios 3D para simuladores aéreos (Indra - 1 charla) [FP, Bacharelato]
  • Automatización da administración pública. Proxectos SmartCity (Indra - 1 charla) [15-18 anos]
  • Blockchain e Territorio intelixente (Iecisa - 2 charlas) [14-16 anos]
  • Drons. Drons e medio-ambiente. Drons mariños (Indra - 6 charlas) [14-16 anos]
• Biomedicina
  • Informática visual en biomedicina (CiTIUS - 2 charlas zona Santiago de Compostela) [12-14 anos]
  • Visión Artificial e Imaxe Biomédica (CiTIUS - 5 charlas) [> 15 anos]
• Ciencia de datos
  • Ciencia de datos (Altia - 3 charlas) [14-17 anos]
  • Ciberseguridade, ciencia do dato e intelixencia artificial (Gradiant - 4 charlas) [6º Primaria, 1º a 4º ESO, 1º Bacharelato]
  • Intelixencia artificial e ciencia de datos (DXC Technology - 2 charlas) [16-18 anos]
• Intelixencia artificial
  • Intelixencia Artificial (Indra - 2 charlas) [16-18 anos]
  • Intelixencia Artificial (CiTIUS - 3 charlas na provincia da Coruña) [> 14 anos]
  • Intelixencia artificial explicable (CiTIUS - 4 charlas cerca de Santiago) [1º e 2º Bacharelato]
  • 5G. Intelixencia Artificial. Sensórica (Vodafone - 1 charla) [16-18 anos]
• Transformación dixital
  • Intelixencia Artificial e transformación dixital (Indra - 2 charlas) [16-18 anos]
  • Arquitecturas tecnolóxicas, Transformación dixital. Facenda Dixital (Indra - 1 charla) [15-18 anos]
  • Transformación dixital (Indra - 4 charlas) [16-18 anos]

Período de inscrición: Aberto desde o 28/02/2020
Período de celebración das charlas: De marzo a xuño de 2020