Acerca-T – DigiTalent

Impulsada por Televés, S.A.

Actividade orientada a estudantes de ESO e Bacharelato e vertebrada a través dunha unidade móbil equipada con material de telecomunicacións e robots deseñados e fabricados pola empresa que visitará centros educativos galegos.

Obxectivos: 
Captar e espertar novas vocacións na área das TIC familiarizando ao alumnado coas tecnoloxías.
En qué consiste: 

Acerca-T é unha actividade coa que a empresa Televés visitará coa súa unidade móbil os centros educativos da ESO e Bacharelato para achegar aos seus alumnos e alumnas as novas tecnoloxías e así captar o seu interese e orientalos cara o ámbito TIC. A través dunha charla introdutoria e a visita á unidade móbil para coñecer de cerca o equipamento e material de telecomunicacións así como robots deseñados e fabricados pola empresa, o fin é familiarizar ao alumnado e espertar novas vocacións STEM.

Ademais, esta iniciativa complementarase con formacións técnicas incluíndo talleres de robótica colaborativa, deseño e impresión 3D.

 

Período de inscricións: do 9 ao 20 de marzo

A través do email digitalent@televes.com (indicando nome e apelido do/a alumno/a,  teléfono de contacto, estudos, escola de procedencia e motivo polo que se solicita a praza)

Paradas planificadas da Unidade Móbil (13 abril – 15 maio)

  • IES Universidade Laboral, Culleredo, A Coruña
  • IES A Xunqueira,  Pontevedra
  • Instalacións da fábrica Televés, Santiago de Compostela

Formacións técnicas (mes de abril)
Lugar de celebración: Instalacións centrais de Televés, en Rúa Benéfica de Conxo, 17 – Santiago

  • Taller de robótica colaborativa (10 prazas):  Tratarase de explicar e promover o debate entre o alumnado en relación ao concepto de robótica colaborativa, seguridade en máquinas e relación entre máquina e persoa. Logo dunha breve introdución ao concepto de industria, o alumnado será capaz de comprender a evolución da industrialización así como do papel que xoga a robótica industrial no século XXI.
  • Deseño e impresión 3D (10 prazas):  Proporcionarase unha visión xeral das etapas de desenvolvemento industrial dun produto e do papel que xoga o pretest neste eido, os prototipos, antigamente maquetas de madeira, plástico, etc., que se foron transformando e refinando ata ser dispositivos que están máis preto do produto final grazas as diferentes técnicas que se repasarán neste curso: técnicas de mecanizado, de impresión 3D, realidade virtual.
     
Iniciativas impulsadas polas empresas colaboradoras
Estado: 
Próximamente
Lugar de celebración: 
A actividade celebrarase nos centros educativos e instalacións de Televés
A quen vai dirixido: 

Alumnado de ESO e Bacharelato

Idade mínima: 
12
Idade máxima: 
18
Datas: 
Do 09/03/2020 - 09:00 ata o 15/05/2020 - 15:00