Mática Campamento Tecnolóxico
Impulsado pola Axencia para a Modernización Tecnolóxica de Galicia
Talleres dirixidos a rapazas nos que se comparten coñecementos, contidos e ferramentas sobre tecnoloxías dixitais.
Mática é unha iniciativa que pretende crear unha comunidade de mozas pertencentes a distintas localidades con intereses TIC, como creadoras e futuras desenvolvedoras de tecnoloxía. O campamento tecnolóxico Mática estruturase a través de talleres dirixidos por profesoras e investigadoras das tres universidades galegas nos que, por grupos de idade (1º a 3º da ESO e 4º da ESO, Bacharelato e FP), se exploran temáticas relacionadas coas novas tendencias tecnolóxicas e onde se lles proporcionan:
- Ferramentas e contidos que lles permita ver a tecnoloxía e as súas aplicacións na sociedade.
- Coñecemento de mulleres do sector TIC, de distintos ámbitos (empresarial, administración pública, docente), as súas experiencias vitais e as súas visións profesionais.
- Información e coñecemento que lles permita decidir a súa futura carreira profesional.
As actividades previstas na iniciativa Mática desenvolveranse de xuño a outubro.
Primeira rolda de xornadas: O 28, 29 e 30 de xuño, en horario de 9.30 a 14.30h coas seguintes temáticas confirmadas:
- Taller de Intelixencia artificial.
- Taller de programación móbil.
- Taller de robótica.
- Taller de pensamento computacional.
Lugar de celebración:
- Campus da Coruña: Facultade de Informática da Coruña.
- Campus de Ourense: Escola Superior de Enxeñería Informática.
- Campus de Santiago: Escola Técnica Superior de Enxeñaría.
- Campus Online, con actividades de conexión remota.
Datas de inscrición: Do 17/06/2021 ao 24/06/2021.
Ademais, celebraranse charlas sobre a Enxeñaría Informática como profesión.
Segunda rolda de talleres: O 27, 28 e 29 de outubro, de 18 a 20 horas, coas seguintes temáticas:
- “As posibilidades da informática: desde TikTok ata o ADN”, impartido por Defina Ramos Vidal.
- “Construíndo aplicacións móbiles con AppInventor”, impartido por Paloma Piot.
- “Introdución á Visión Artificial con Python e OpenCV”, impartido por Lucía Ramos García.
Lugar de celebración:
- Presencial, na Facultade de Informática da Universidade da Coruña (FIC).
- En liña, a través da plataforma Zoom.
Esta actividade encádrase no convenio de colaboración entre o Colexio Profesional de Enxeñaría en Informática de Galicia (CPEIG) e a Amtega.
Rapazas de 12 a 18 anos