Girl STEM
Impulsada pola Axencia para a Modernización Tecnolóxica de Galicia
Programa para motivar as vocacións tecnolóxicas entre o alumnado feminino guiado por unha rede de profesionais de recoñecido prestixio.
Obxectivos:
Crear referentes, visibilizar roles e motivar as vocacións tecnolóxicas entre o alumnado feminino e empoderalas para que aposten por carreiras STEM.
En qué consiste:
A Amtega e a Asociación de Empresas Galegas de Software Libre (Agasol) desenvolven o Programa “Girl STEM”. O obxectivo desta iniciativa é dar maior visibilidade entre as nenas aos roles das mulleres no sector TIC e motivar desta maneira as súas vocacións tecnolóxicas.
Para acadar o obxectivo de reforzar e impulsar o interese das nenas polos estudos tecnolóxicos, levaranse a cabo diferentes actividades de mentorado:
- Programa de referentes. Celebraranse como mínimo unha sesión en cada provincia, dirixidas ao alumnado de secundaria e bacharelato, nas que mulleres profesionais de recoñecido prestixio falarán da súa experiencia, deixando patente a importancia do talento feminino no sector tecnolóxico.
- Programa de obradoiros. Mulleres profesionais do sector tecnolóxico impartirán un mínimo de 6 obradoiros lúdico-prácticos en pequenas localidades de Galicia, co obxectivo de fomentar o interese polas novas tecnoloxías e as profesións STEM entre o alumnado de Educación Primaria.
Iniciativas impulsadas pola Amtega e/ou en colaboración con outras organizacións
Estado:
Pechado
Lugar de celebración:
A actividade celebrarase en centros educativos de varias cidades galegas
A quen vai dirixido:
Alumnado de educación primaria, secundaria e bacharelato.
Datas:
Do 04/10/2019 - 09:00 ata o 31/12/2019 - 20:00